Anson Lo完勝!魏浚笙慘遭Asha派檸檬兩度「失戀」

2022年12月08日 00:01
東網電視
更多新聞短片
被MIRROR成員Anson Lo封為「顏值王」的魏浚笙(Jeffrey)日前偕Asha(徐㴓喬)為ViuTV原創劇《百萬同居計劃》接受東網專訪,在劇中飾演「阿希」的Jeffrey為追求Asha,不惜由「富二代」紆尊降貴做「花王」,可惜多情自古空如恨,眼白白目送Asha投入Anson Lo懷投。Jeffrey自言角色討好:「『希仔』係會不惜一切去追女仔,但唔會死纏難打,雖然明知個女仔唔鍾意佢,希望有一刻感動到人,平時兄弟就好似兄弟咁相處,會適可而止。」
Asha亦謂面對Jeffrey時,內心好矛盾,因為既對Anson Lo有感覺,但又不想傷好友Jeffrey的心:「要做到拒絕佢之餘,仲做到朋友,所以演呢個角色時,我都好緊張。」問到現實生活會揀Anson Lo還是Jeffrey?Asha笑言很貪心,最理想是享齊人之福:「佢兩個好唔同喎,不如先同Jeffrey拍拖,分手後再同Anson Lo一齊。」再經深思後,她還是當面拒愛Jeffrey,原因跟迷信有關:「我好信星座,拍《百》嘅所有人都睇晒佢哋啲星座,我係天蠍座、Jeffrey係金牛,Anson Lo係巨蟹,如果現實生活中拍拖,我應該同Anson Lo夾啲,星座係統計學,有根有據嘅。」
為劇中和現實生活上跟Asha大嘆無緣的Jeffrey,指在戲外的愛情觀相當理性,不會投放時間及感情在沒打算結婚的戀情上,雖然未向拍拖7年的經理人女友求婚,但早已鎖定對方為結婚對象,還無懼肉麻,當住Asha、宣傳人員向身邊在側的女友發表愛的宣言:「20歲時已經真係好鍾意佢,諗住30歲前,儲啲錢,心智成熟啲就結婚。」又指女友比他更專業,從不反對他拍親熱戲:「女友會叫我投入啲,因為拍攝,每分每秒都係錢。」
Credit:
魏浚笙服裝:Balenciaga
徐㴓喬服裝:GROUND(ZER)O, GYDA from ITHK