港台男神激罕合體　Edan邱鋒澤見面喪鬥Cute

男圑MIRROR成員Edan（呂爵安）早前同台灣男團「五堅情」成員邱鋒澤因合作廣東歌《一表人才》及國語版《年青有為》，就成為「最強網友」，因為兩大男神因疫情問題而一直只係隔空合作，就連今年2月邱鋒澤出席台灣音樂榜頒獎典禮時，都係靠大銀幕先可以同在港嘅Edan合唱《年青有為》。

事隔多月，「五堅情」聽日（9日）就會開香港見面會，不過見粉絲之前，邱鋒澤就決定先見咗「網友」Edan先，佢兩個先後甫出合拍短片，成為網友最想睇到嘅男神首次同框畫面，一時晒V，一時擰擰頭，即被網友讚佢哋夠cute。二人又異口同聲表示終於見面，仲預場告二人10號會有特別驚喜一齊出騷，令粉絲們相當期待。