攬女開房斷正　張嘉倪否認離婚繼續甜黐買超

內地「最美妃子」張嘉倪老公買超，日前被爆攬女去酒店開房斷正，疑似小三女子即被起底指係網紅邵晴，對方仲繼續晒索相着名牌「示威」。消息傳出後，網上即瘋傳張嘉倪、買超正在走離婚程序，又有人爆料兩人離婚後嘅財產分割問題，稱張嘉倪將淨身出戶等。未知係咪愈傳愈烈，張嘉倪工作室發文稱：「不造謠！不傳謠！不信謠！嘉倪正在劇組專心拍戲，請大家多關注作品！」似乎係對一口否認離婚一事。

似乎已經原諒老公嘅張嘉倪，同時被網友爆料指喺今年八月，就已經被偶遇同買超着晒情侶裝同friend去打邊爐，當時張嘉倪以齊劉海造型見人，更主動熱情向影緊佢相嘅網友打招呼，睇嚟當時佢同老公感情煙韌，甜到糖黐豆咁。