呂爵安驚喜現身！邱鋒澤唔鹹唔淡廣東話冧粉絲

台灣男團「五堅情」首度襲港，團長邱鋒澤今日獨自現身戶外音樂會表演，多番用唔鹹唔淡廣東話冧粉絲：「我好靚仔」、「我有肌肉呀！」、「我好鍾意你呀！」又大派心心，邱鋒澤唱新歌《孤島》等多首代表作，七情上面。首次來到中環的他，讚維港風景好靚似明信片，他現場問邊個12月生日，即場唱中英文生日歌送粉絲，相當識做。

現場逼滿「堅果（五堅情粉絲）」以及「爵屎」（呂爵安粉絲），未有出現在表演名單中的呂爵安（Edan)，驚喜出現，他們早前因隔空合唱《一表人才》而結緣，今次是2人首場同台演出，再度合唱《一》外，還合唱了《天黑請閉眼》，鋒澤大叫感動。

鋒澤提到《一》是他錄過最長時間的一首歌，Edan讚鋒澤唱廣東話的天才。第一次見面，鋒澤形容心情矛盾，笑言Edan穿了鞋墊，令二人高度有距離，而Edan 指見面感覺好神奇，覺得大家既熟悉，卻又是第一次真正見面，希望再有合作機會。