日式海鮮煲仔飯　創意無限

冬天來一口熱辣辣的煲仔飯，整個人即時暖笠笠。除了傳統味道，坊間亦有不少選擇。好似大角咀Fusion餐廳Nonsense，就創作了幾款日式煲仔飯，吸睛度爆燈的北海道松葉蟹甲羅盛‧海鮮日式煲仔飯，日本蛋、蟹膏和米飯拌勻，再加上不同的海鮮，鮮味十足。啖啖肉的黑毛豬肋肉煲仔飯，肉香和菌香交錯。另外還有惹味日本鰻魚煲仔飯，以及清鮮的香煎大蝦‧蟹肉‧蝦油‧日式煲仔飯，配上餐廳的特飲或雞尾酒，別具風味。

旺角的銓滿記餐廳小廚，除供應傳統配搭的煲仔飯，餐廳亦每日到街市入貨，為客人提供美味的海鮮煲仔飯。自家製豉汁配大鱔或帶子，肥美肉嫩。陳皮龍躉球煲仔飯，魚皮油香滲入粉絲和米飯內，最是美味。小菜變身成金銀蒜粉絲開邊蝦煲仔飯，蒜蓉加點豉油來吃，蝦肉更鮮更香。至於陳皮鴛鴦鮑魚煲仔飯，就有新鮮大連鮑魚和素鮑片，喜愛食海鮮的話就不要錯過。