Edan捲入三角關係　被「初戀」拒愛唔死心密謀反擊

MIRROR成員Edan（呂爵安）早前自爆「初戀」，其實係與多年網友、組合五堅情成員邱鋒澤終於在港合體，連日來佢哋密密見面，不但街頭相擁，更孖住開騷，令向來與邱鋒澤組CP檔嘅隊友陳零九「呷醋」，於社交網大晒壁咚另一成員小賴（賴晏駒）嘅合照，並醋意大發笑指：「你有你的呂爵安，我有我的賴晏駒」。豈料Edan隨即反擊，同樣網晒壁咚鋒澤嘅合照，並挑機指：「零九，對不起，借用了幾天，現在還給你，3月會再借一次，謝謝。這位E先生不好意思，說好借用幾天，你怎麼不還，我想要回鋒澤身體。」成功介入CP「戀情」。

不過已飛回台灣嘅鋒澤，最後依然選擇零九，佢發文向Edan「拒愛」指：「Edan，對不起，我最後還是選了零九，但我們還可以當好朋友。」又孖住零九拍片，鋒澤以半鹹淡廣東話表示︰「陳零九，對唔住呀！」零九則回答：「你做過乜，你自己知！」鋒澤最後送上戒指氹回對方，終「床頭打交床尾和」，但Edan唔肯放棄，留言指：「讓我想想如何反擊...」相當搞笑。