陳煒搓準人妻肚子　連詩雅否認懷孕

陳煒與連詩雅晚上在觀塘為無綫節目《新春開運王》擔任嘉賓，合照時陳煒用手搓住準人妻連詩雅的肚子，莫非有喜訊公布﹖連詩雅連忙否認，陳煒笑說：「要有喜好簡單，師傅叫佢唔好叫屋企啲貓貓、狗狗做仔女，改一改叫番名，留番啲quota畀自己，咁就好快有機會。」連詩雅指師傅提醒原來廚房對打理的女主人很重要，甚至會影響財運，廚房一定要有米缸，她說：「我仲好多時唔係即刻洗碗，有時隔幾日先洗，以後會注意。」問到師傅可有贈言造人時機﹖她說：「咁又冇問，反而有問師傅幾時可以開演唱會，師傅話出年有機會衝出香港，如果可以喺外地開演唱會都唔錯呀。」

連詩雅被問到先選擇結婚還是開演唱會？她笑說：「開演唱會先，或者可以同一日舉行，家樂仲可以做埋嘉賓添，哈哈。」陳煒則獲師傅贈言來年驛馬星動，有機會衝出香港兼名氣上升。問到可捨得離開老公？她笑說：「咁衝少少囉，都可以一齊去嘅。」