陳慧琳與大仔遇車禍送院　報平安：只係皮外傷！

歌手陳慧琳（Kelly）與13歲大仔蝦餃仔（劉昇）今早（16日）11時20分發生交通意外，母子由司機接送離開大宅，於下斜坡時，於嘉道理道與對面線一輛私家車迎頭相撞，2車車頭損毀，司機與所有乘客均送院檢查。意外中50歲的Kelly與兒子蝦餃仔報稱面部擦傷，而26歲的司機胸口痛，至於對頭車38歲張姓司機幸無恙，案件列作交通意外有人受傷。

事後Kelly於社交網報平安：「大家睇到新聞唔好嚇親，放心，我冇事呀，只係皮外傷，休息吓就冇事，多謝關心！」而Kelly經理人鍾珍接受訪問表示在早上11時許，Kelly和大仔劉昇乘坐司機駕駛的座駕出外，打算為大仔打流感疫苗，疑天雨路滑關係，Kelly和座駕和前面車輛發生碰撞，她說：「司機撞到胸口，Kelly面及腳擦傷，囝囝都係擦傷面，有小小腫，不過全部人都係皮外傷，檢查晒，照晒X光，我去醫院睇過佢哋，好好個個都冇事，已經返咗屋企休息，大家唔使擔心。」