海哈金喜同告中招　李亞鵬轉頭甘心伺候愛妻

內地男星李亞鵬早幾日自爆確診新冠，仲拍片畀大家睇佢居家隔離狀況，由嫩妻海哈金喜出入佢間房送飯，但片中就見到李亞鵬冇戴口罩，而老婆就僅戴住口罩捧住碗湯入房，同李亞鵬仲有好近距離嘅接觸。點知李亞鵬翌日就喺個人社交賬號發文稱海哈金喜同告中招，仲同嬌妻講：「這次換我來照顧你。」當時就見到海哈金喜發高燒到攝氏38.5度，成日都要攤喺床上面兼着羽絨保暖，而李亞鵬就鬼打都冇咁精神行出行入幫手送食物入房。不過網友最關心嘅都係二人嘅愛女先幾個月大，唔知BB仔有邊個照顧，仲叫佢哋盡早畀BB搬去第二度照顧，免得愛女中招。