林愷鈴預告處女下海晒水着　積極健身練大隻！

藝人柯煒林（Will）與林愷鈴（Ashley）今日（17日）現身MakerVille原創劇《冰上火花》的開鏡拜神儀式，在劇中飾演冰上曲棍球手的Will之前練習時，不慎弄傷左眼眉骨，他表示已經康復：「唔痛唔癢冇乜事，但導演覺得條疤痕可以配合到角色，所以劃深咗少少條疤，之後條眉生番就見唔到疤痕。（覺得自己英咗？）中和番我個酒凹，哈哈！」

至於Ashley飾演泳手，她自認並非運動型，所以近幾個月積極健身、跑步及游水，笑言沒有變瘦，反而大隻不少，並預告將要在沙灘拍落水戲及首度在幕前穿泳衣：「咁凍落水係生理上嘅問題，但幕前着泳衣係心理上問題，作為演員要叫自己唔好介意着咩戲服，希望着泳衣着得自然啲。」問到Will會否在Ashley拍泳衣戲份時探班？他說：「佢着唔着泳衣，我都會去探班，因為大家好老友。之前我哋拍冰上曲棍球，諗住叫佢嚟做啦啦隊打氣，點知佢着晒護甲落場玩埋一份。」他又指繼8年前跟林耀聲及林家熙在電影合作後，再度結戲緣，大感開心。