七仙羽證陳安立冇偷食：佢請好多女藝人食檸檬！

玄學家七仙羽（七師傅）、藝人林希靈與鍾雨璇等，今日（19日）現身尖沙咀為HOY TV節目《開運秘笈》進行拍攝。將於本月24日與陳安立結婚的林希靈，表示已邀得七師傅參加婚宴，七師傅則大讚陳安立高大靚仔又老實，更親證他絕冇「偷食」：「我曾經以為佢單身，介紹過好多女仔畀佢，亦有好多女藝人對佢『嗒糖』，但佢全部唔要仲發爛渣，話呢啲女仔入唔到屋，我心諗佢有啲咩傾向呢？後來先知原來佢鍾意咗靚女主持。」問到婚宴籌備進度，林希靈説：「限聚令上限240人，但依家數數吓好似請多咗。」

問到七師傅可有教他們生B秘技？她即反問希靈：「依家有咗未？」她又再追問希靈與陳安立：「一星期幾次？」氣氛尷尬又搞笑，之後七師傅透露來年北方旺生B，教他們要床頭向北，亦叫陳安立要養精蓄銳，待危險期時才努力造人。