周杰倫一篤入魂　勁過奧蘇利雲

台灣天王周杰倫（周董）多才多藝，早前佢自揭同高爾夫球世界「一姐」曾雅妮切磋，呢日又轉玩另一種球類運動，自爆原來係桌球高手！佢喺社交網大晒篤波片段，片中佢隨手拎起球棍，單手隨意一揮，就輕鬆入球，之後到認真落場時，佢擺好架勢，唔使2秒就出擊，再次輕鬆「一球入魂」，入波速度簡直勁過有「火箭」之稱嘅世界冠軍球手奧蘇利雲，相當犀利。其實周董自小就熱愛篤波，年輕時曾被得與賀軍翔去波樓鬥波，早年佢為內地節目《中國新歌聲》擔任導師時，亦孖住陳奕迅拍片篤波，訓練有素難怪球技咁出眾。