楊盼盼愛女明年出嫁　收非傳統聘禮勁收貨

武打女星楊盼盼多年來獨力養大女兒楊慈悅（Jessica），早前佢宣布即將榮升外母，愛女將於明年出嫁，與拍拖15年嘅時裝品牌設計師男友Steve拉埋天窗。日前女兒進行過大禮儀式，楊盼盼於社交網分享影片，見未來女婿跟足傳統，親自帶聘禮到女家，不過就並非一般嘅傳統聘禮，除囍餅、唐餅外，仲有巨型蘋果、提子、油、鹽、冬菇、抹茶蕎麥麵、日本珍珠米等，楊盼盼非常滿意，一邊拆箱一邊笑指：「包羅萬有，珍珠米，我最鍾意食，豐衣足食，仲有雲耳、冬菇，樣樣都有，幾好。」又送大利是回禮，並表示：「多謝你！見到禮物有8盒，好有心，心係最難買，我個女交畀你喇，你要照顧我個女呀，好好地愛護佢，唔理將來點樣，兩個人共患難，一定要好，健康、快樂、幸福。多謝你接收我個女呀！」