入圍4項提名！JW自覺有進步恨攞獎

歌手王灝兒（JW）在將軍澳電視城出席《萬千星輝頒獎典禮2022》「飛躍進步男、女藝員」10強拉票活動。JW以4項提名包括「飛躍進步女藝員」、「最受歡迎電視拍檔」及兩首歌曲入圍「最受歡迎電視歌曲」在女藝員中最多提名。JW直言恨攞獎，指過去一年拍嘅聴劇集《痞子殿下》、為《聲夢傳奇2》做導師、甚至參與《獎門人》做嘉賓也付出1000%努力，覺得自己有進步。

講到獎項有不少勁敵似學生炎明熹、劉穎鏇、劉佩玥等，她是否以年資取勝？JW說：「你好似插咗我一刀咁，佢哋仲有大把時間進步，雖然我年資最大，但好開心仲進步緊，因為入到嚟覺得大家都好叻，所以有個推動力，唔會畀自己停落嚟。」她又直言已向親朋好友作出拉票。