馬國明感謝郭晉安提點 難忘被許紹雄1句話鬧爆

20221224
東網電視
更多新聞短片
無綫小生馬國明日前接受資深藝人馮素波(波姐)主持的電台節目訪問,波姐稱和馬國明首次合作是2007年的《律政新人王II》,也是對方入行後首度任男主角,她說開拍前曾主動問他:「點解你咁快就已經有咁重戲份?」當時馬國明回答:「唔係呀波姐,我已經企喺你後面4、5年啦,係你冇留意我!」波姐指馬國明性格較低調,平日不太愛說話,但收工時會主動邀約她一起坐港鐵回家,令她感到非常窩心。
馬國明說認為運氣算是不錯,因在修畢訓練班後不久便獲安排拍劇,雖然在2002年的《衝上雲霄》戲份不算太多,但算是入行以來首次有角色名字,他說:「我之前拍嗰啲劇,連角色名都冇,仲試過扮屍體扮足七日。」入行至第10年即2010年,他終憑《鐵馬尋橋》嶄露頭角:「《鐵馬尋橋》係第一部畀觀眾讚賞嘅作品,之前我啲演技成日都畀人鬧!」
馬國明更說非常珍惜與前輩合作的機會,又指羅嘉良(撈家)及郭晉安令他獲益良多:「當年同撈家合作時,我仲係新人,佢對我好有耐性。我亦特別感謝安仔郭晉安對我嘅提點,有時佢會Challenge我,令我覺得有挫敗感,後來先知原來佢一直訓練緊我急才!」他續指之前跟許紹雄合作時,對方會用責罵的方式去提點他:「佢同我講『你想我依家喺現場鬧你,定係套戲出咗街之後鬧你?』呢句說話至今都印象深刻,非常感恩當年能夠遇到願意直接指出我問題嘅前輩。」