任達華愛女任晴佳玩浮潛　晒42吋長腿十足美人魚

任達華與名模琦琦的愛女任晴佳（Ella）近日18歲生日，一家三口飛到馬爾代夫慶祝，早前琦琦透露因老公及女兒鍾意海，故選擇馬爾代夫，更笑指女兒似足美人魚，每日都會跳入水及曬太陽。而呢日Ella就喺社交網大晒潛水片段，見着住藍綠色比堅尼嘅佢喺海中暢泳，並向鏡頭揮手，其苗條身段及招牌42吋逆天長腿一覽無遺，靚人配靚景，即獲網民大讚「美人魚傳說是真的」、「海洋女孩」，指Ella猶如真實版美人魚！