終於返「鄉下」！吳紫韻飛日本豪食豪住唔手軟

最近日本放寬入境限制，不少港人都趕住返「鄉下」，藝人吳紫韻（Purple）亦不例外，她最近帶同父母到日本京都及大阪旅遊，大吃大喝一番，她表示：「今次係相隔3年再去旅行，加上我哋嘅機票係用飛行里數換返嚟，而且去嘅時候日圓匯率係最低，所以食、住同買都比較瘋狂，使得比較豪，想家人玩得舒服啲，好好歎吓。」Purple透露到了當地寺廟求籤，事業方面求得上上籤，希望籤文應驗，來年事業順利。她指今次食了不少好西，包括Omakase（廚師發辦)，他們又隨意入了一些餐廳，但發生小插曲：「我哋亂入餐廳，可能太地道，啲店員完全唔識講英文，我哋見到菜單入面有一盤菜好靚，於是我哋點咗，但等咗半個鐘都只係得嘢飲無嘢食嚟，後來了解番嗰盤菜只係打卡影相，之後要再單點。」