楊思琦未婚生女辛酸　暗示唔再搵另一半

前港姐冠軍楊思琦，2012年突然宣布已經生咗個女，當時都好轟動，就算到依家，都有唔少人想知生父到底係邊個。最近佢喺內地節目入面，講番當時嘅心情，佢話當時壓力爆煲，但從來都冇諗過唔要個BB，而呢幾年做單親媽媽，亦令佢對人生有好多覺悟！

另外今日聖誕節，唔少圈中藝人都喺網上甫全家福晒幸福，鍾嘉欣亦唔例外，首次騷出一家五口嘅過節相，三個仔女都好Cute，不過最吸睛嘅都係靚媽媽，事關佢着得勁Sexy，生完第三胎嘅佢明顯升Cup呀。