林夏薇公開凍齡秘訣　素顏上陣着浴袍刮痧

無綫視后林夏薇向來凍齡，雖然已為人妻多年但仍Keep住少女味，呢日佢拍片親授保養心得，片中佢着住浴袍，頭綁粉紅色蝴蝶結頭帶，並以素顏上陣，見佢妝前妝後都冇分別，皮膚白滑冇瑕疵，佢仲分享獨門秘訣，原來佢之所以能夠保持年輕，全靠「薇式刮痧」大法：「換季保養，秋冬天氣令到皮膚好乾，推介薇式油敷刮痧法，5分鐘去水腫去皺紋，Step 1：洗面後熱毛巾敷打開毛孔，Step 2：按摩油+刮痧板，我的薇妙生活！」有好嘢都唔藏私，認真大方。