戴夢夢聖誕做賢妻晒廚藝　超大海景豪宅驚喜曝光

藝人戴夢夢去年與圈外老公結婚後，生活美滿幸福，不時喺社交網晒恩愛。今個聖誕節，佢就同家人喺屋企過，仲大顯廚藝煮西餐，見佢整咗前菜、牛扒、意粉、羊扒等，睇落相當好食，又放上紅色蠟燭做裝飾，氣氛十足，拍得住餐廳質素。

不過最令網民吸睛嘅，莫過於係佢同老公嘅「幸福愛巢」驚喜曝光，見佢屋企嘅飯廳同客廳都相當闊落，露台仲可以俯瞰迷人嘅維港靚景，令唔少網民大感羨慕，留言話：「晚餐好精緻」、「賢妻」、「聖誕快樂」、「屋企又大又靚」。