郭偉亮過年去日本滑雪　糖妹唔帶男友見阿婆

藝人郭偉亮（Eric Kwok)、黃山怡（糖妹）、林德信、劉天蘭等，今日（29日）在上環出席《潘迪華•花弄影•珍藏相片展》，由於疫情關係潘迪華姐姐未有親身到場，大會透過視像為今日93歲生日的她慶祝。

郭偉亮特別欣賞潘迪華姐姐一張笑容滿面的彩色相，感覺到她的開心，去到這個年紀已經並不介意別人的睇法。糖妹則覺得潘迪華姐姐是一個傳奇，就算70、80歲也跟朋友一起到古巴玩音樂，這份隨心所欲，她也相當嚮往。

每年也會到日本二世古滑雪的郭偉亮，農曆新年前將起程到日本滑雪2星期，問到可有受到近期日本的新措影響？他說：「冇嘢可以影響到我，除咗疫情，就算冇直航機，坐船都去，因為我通常都喺東京過去，所以冇影響。2000年嗰陣冇人去滑雪，每年其中一個願望就係想多啲朋友一齊滑雪，去到2016年就爆發咗香港熱潮，多人到驚，喺香港都見唔到咁多朋友。」糖妹指暫時也未必會到日本滑雪，反而開關會返廣州探望90多歲的婆婆，問到會否帶男朋友探望婆婆？她說：「唔會，佢呢個時候喺日本最忙。」