曾傳婚變︱湯唯罕談老公金泰勇：沒你就沒理想

內地女星湯唯憑韓片《分手的決心》先後奪得4個韓國影后寶座，更成為青龍獎上首位非韓籍影后，威盡影壇。事業得意，不過近年有傳佢同老公金泰勇感情生變，近日湯唯受訪時，就提到大方提起老公，指自己喺青龍獎典禮領獎時：「Summer爸爸（指金泰勇）發來了他（在北京）拍攝的視頻」可見當時老公同愛女Summer都睇直播同步關心佢得獎一刻，阿女聽到佢個名字仲好鬼高興。

同時佢又大讚老公像「泰山」一樣陪伴佢，罕有地公開多老公：「泰勇，你是永遠在我身後像穩穩噹噹的泰山一樣支持我的人。沒有你，就沒有理想。」又大讚阿女好乖：「Summer，你真是個好孩子。成為小主人照顧家裏，替媽媽一直照顧家人，謝謝。」並因為佢領獎時忘記同家人道謝而產生罪惡感。

湯唯又提起父親湯餘銘、被譽為中國「居士文化第一人」著名畫家，引用老子《道德經》8字「抱璞守真，虛極靜篤」勉勵愛女，湯唯解釋指爸爸係個好有藝術家性格嘅人，佢對自己畫作有一定堅持，所以佢覺得呢8個字唔只係爸爸畀佢嘅說話，亦係湯餘銘想勉勵自己嘅話。