何啟華首演多重人格有壓力：一定要保持清醒！

男團ERROR成員何啟華（Dee）在ViuTV原創劇《心靈師》中，挑戰從影以來，首次飾演多重人格障礙的角色，他說雖過足戲癮，但同時也感到壓力：「因為未試過一個人分飾咁多個性格，所以我選擇將性格特質分成8份再放大去演。導演想我可以演繹得搞笑啲，輕鬆啲去帶出呢件事。」他說曾有前輩教導：「抽離唔到嘅嘢千祈唔好做，演員係專業㗎嘛。」令他更深知處理這種角色時要更清醒。

今晚（30日）播出的一集，是Dee為了接近目標人物而要Cosplay，動漫人物上身。Dee笑說現實生活中，曾試過以低成本扮演蜘蛛俠：「有年萬聖節同朋友一齊扮唔同造型嘅蜘蛛俠，我朋友身材靚啲，成件衫直接着唔打底。但係我呢啲身材驕人嘅，就唔方便露出嚟喇，所以我係Cosplay着外套，短褲加波鞋，但入面着住套衫嘅蜘蛛俠。」