幫蔡卓宜影得1米2高　王大陸：預留空間畀女友修圖！

台灣男星王大陸憑電影《我的少女時代》成名，最近佢終於認愛馬來西亞女神蔡卓宜，二人更上內地真人騷節目《哎呀好身材4》拍攝兼放閃，又大方喺幕前錫錫，相當甜蜜。

而節目組亦相當識做，製做好多機會畀佢哋晒恩愛，其中有個情侶自拍環節，王大陸要幫女友影相，不過就將蔡卓宜影到只得1米2高，仲搞笑話：「預留空間給女友修圖。」搞到一眾網民笑爆嘴呀！