呂方提起愛女講唔停　等囡囡大個再搞巡迴騷

歌手呂方昨日（31日）於大嶼山寶蓮禪寺出席節目《福佑香江 同心邁向2023》，並獻唱《從未如此深愛過》及《每段路》，表示望疫情於新一年遠離，各行各業回復興旺，其2歲多的女兒快高長大。當談起愛女，呂方即一臉慈父模樣，透露女兒乃「疫情寶寶」，現時就讀學前班，問到出外工作會否不捨女兒？他說：「唔會，反而我好享受每日湊佢返放學，只係個女未習慣，有時放完假返學，佢會喊唔想返。（擔心個女喺學校感染？）唔擔心，佢打咗2針。」

將於3月舉行40周年演唱會的他，指計劃稍後到美加、內地等地方開騷，更指近2年來疫情關係未能出外工作，待在家時間陪家人較多，也實屬難得：「日日對住個女，我好開心，希望疫情過後，個女又大啲，我就可以順利出去工作。（會唔會為個女出兒歌？）我唔夠佢唱，佢聽音樂都會郁，係有天分，不過聽我啲歌冇反應，一聽Bruno Mars特別起勁。」