叱咤2022︱泳兒Deep V奪女歌手銀獎：大躍進

英皇歌手泳兒入行17年，終於開齋奪得「叱咤樂壇女歌手銀獎」，她受訪直言：「大躍進，對得住自己及為我付出嘅團隊。（已經攞唔到金獎喎？）證明仲有進步空間，都希望遲啲可以攞到。」談到她一身性感打扮，盡騷天賦本錢，問到男友會否介意，泳兒答：「佢OK，今朝仲攞咗支維他命畀我飲，驚我冷親。都係健康嘅性感啫，不過啲件衫要真空上陣，再做工夫（指托胸）就太勁，今晚行高貴乾淨路線，崇尚自然，好赤裸喇。（已到性感底線？）其實本來試咗另一條裙，開到落肚臍，冇話底唔底線，最緊要靚啫。」

另外，談到Gin Lee即將加盟英皇與她做同門，泳兒回應：「等公司證實啦，我自己就好歡迎唱將女歌手。（唔擔心分薄資源？）公司好公平嘅，資源會平均分配，呢3年都睇得出公司落咗好多資源喺我身上，支持邊位歌手就要睇歌迷嘅選擇。」