周杰倫吸金力驚人！細女正面照曝光　遺傳昆凌混血基因

台灣天王周杰倫與妻子昆凌一向恩愛甜蜜，上年昆凌誕下第3胎，一家五口幸福美滿。日前佢哋一家迎新年，歡度節日，氛圍溫馨又歡樂，不過佢晒出嘅全家福就唔見兩個女兒出鏡，佢留言叫大家估張相係邊個影嘅，由於細女Jacinda就只有8個月大，所以網友就猜測呢張相係由大女Hathaway操刀！而昆凌喺早前亦「冇預警」下晒出細女近距離正面照，Jacinda擁有高挺嘅鼻樑，即使閉着雙眼，都睇得出佢五官好精緻，傳承咗昆凌嘅混血基因！

再度成為「吸金王」

踏入新一年，回顧上年成績，周杰倫可謂豬籠入水，再度成為「吸金王」，佢相隔多年再度推出嘅大碟，至今累積破近500萬張銷售量，據知銷售總額估計有近2億港元，相當犀利！除咗賣碟外，佢仲有2個全球品牌代言同7個內地品牌代言，估計廣吿代言收入就進帳1億港元，果然天王魅力非凡！