林夏薇上圍升Cup　每日做運動唔偷懶

藝人林夏薇（薇薇）今日（5日）現身醫美品牌的新代言人，谷胸騷腿亮相，薇薇表示代言收開心價，但最開心是線條都得來不易，現有腹肌線、人魚線等，她本身勤力做運動，每日最少做個半小時運動及做機，問上圍升了幾多Cup？她笑言無為意，但就鞭策自己不能懶惰，透露拍攝廣告當日老公有探班，「佢睇吓有咩嘢可以幫到手，又萬歲請食嘢，（着三點式老公介意？）佢唔介意，因為係工作，游水都着比堅尼。」講笑老公都有興趣做機，想減肚腩。她自爆當日連續拍了16小時，拍到腳抽筋，「因為姿勢要好高難度，扭出S型，我抽咗3次筋，好彩拍出來效果靚，導演都讚我表情管理好，上一秒抽筋，我仲可以笑住。」

薇薇2022年憑《七公主》奪視后，《萬千星輝頒獎禮》將於周日舉行，她就睇好陳煒和好友胡定欣，「我買重定欣，大家好朋友，今年戥佢緊張，上年我係過來人，今年心態好啲，會喺屋企睇。」提到通關在即，她透露家人早前已來港，與家人4年無見，好掛念屋企人，今年終於可以新年團聚，她覺得通關後將會帶來方便，家人朋友可以團聚，她亦希望可返大陸工作。