梁皓恩升呢監導舞台劇　見證追夢不分傷健

HOY TV節目《一線搜查》靚女主持梁皓恩（April）作出大膽新嘗試，跳出演員框框擔任《出走新世界》舞台劇的導演及監製，自言獲益良多的她表示：「做演員時，只會將重點角度集中喺人物、情緒或演員之間嘅交流，但做導演或幕後，就發覺我嘅視野需要擴闊好多，就連燈光、影像，可以帶畀觀眾咩感受呢啲都要兼顧埋，再唔係只睇單方面，而係要整體性。」又謙說其導演一職仍在學習階段，還有很大的進步空間，不過對幕前工作仍然有濃厚興趣：「好期待做番演員，可以向一個目標衝刺，浸喺角色嘅世界裏面。」

談及舞台劇演員為傷殘人士，她驚嘆演出者的意志力比康健人士更強：「傷殘人士身體較差，期間有演員確診，雖然佢病到瞓喺床度，但仍然會同團隊用視像開會，有的精神時又要勤背劇本，真係好犀利，到演出時，佢好專業，坐喉輪椅都可以快到好似喺台度『飛嚟飛去』咁。」她又謂經過和傷殘人士合作過後，見證到追夢原來不分傷健：「佢哋咁積極為自己夢想去發光，相信冇一個人唔受感動。」