佘詩曼重演《宮心計》　因1個改變顯得更青春

視后佘詩曼自內地劇《延禧攻略》後便紅到發紫，成功打入內地市場，拍過唔少影視作品同綜藝節目，佢最近喺真人騷《無限超越班》嘅表現都非常搶眼，佢重演3套無綫劇集角色，繼上集還原《金枝慾孽》「爾淳」一角嘅裝扮後，今集佢將為劇集《宮心計》再度演「劉三好」一角，佢喺社交網晒出劇照，留言：「時隔13年，劉三好也回來了。」

呢次佢同當年造型有啲唔同，冇梳起髮髻，而係長髮披肩，多咗幾分青春氣息，網友紛紛留言寫「劉三好」經典台詞，好似「做好事、存好心、說好話」、「本宮拿得起，自然放得下」等，真係回憶返晒嚟！