甄子丹孖老婆撐陳奕迅開騷　同康堤合照畀Like關係勁好

歌神陳奕迅（Eason）紅館演唱會成為全城熱話，唔少圈中人都有到場支持，原來昨晚「宇宙最強」甄子丹與老婆汪詩詩都係座上客，詩詩仲睇得非常投入，不停拍片放上社交網，子丹亦有轉發，相當樂在其中。而佢哋亦有去到後台拍照，雖然未有與Eason同框，但就與Eason太太徐濠縈及囡囡康堤，其中康堤高舉手指公讚好，又網晒合照，多謝子丹及詩詩嘅支持：「Thank you Uncle Donnie + Auntie Cissy！（多謝子丹叔叔及詩詩姨姨）」，可見佢哋私交甚篤。