台慶頒獎禮︱江美儀為亞視幫爭氣　爆冷奪視后

江美儀成為出爐無綫視后！十年前已獲最佳女配角的江美儀，憑《下流上車族》力戰無綫視后寶座，最後一舉成功，揮低《回歸》的陳煒、《金宵大廈2》的李施嬅、《痞子殿下》的陳瀅等，一圓視后夢！知道得獎後，江美儀不禁激動落淚，她說：「我冇諗過會攞獎！冷靜啲，江美儀！我以為自己唔係親生女，唔會有呢個獎！我要多謝曾生、珍姐、樂小姐！陳煒，我哋好爭氣！」宣布一刻，江美儀即刻攬實陳煒，佢話：「屋企人終於可以親眼見到我攞獎，包括父母同妹妹。」另外，《下流上車族》同時膺「最佳劇集獎」，宣布一刻全場歡呼，一眾演員上台領獎。