下流上車族︱關曜儁與有榮焉　望為訓練班爭光

無綫台慶劇《下流上車族》在剛完成的台慶頒獎禮中滿載而歸，有份演出的「大隻仔」關曜儁作為其中一員見證戰友攞獎自然與有榮焉，加上同期訓練班的好兄弟攞獎，身為星級健身教練的他笑指當晚做因而做了不少「深蹲」也是值得，他說：「出席頒獎典禮嗰晚，真係做咗好多下深蹲，因為每項提名嘅嘉賓宣布得獎者嘅時候，自己都會忍唔住企起身拍手。尤其係見到《下流上車族》嘅成員逐一攞到佢哋嘅獎項，有種莫名其妙好似自己都攞咗獎嘅感覺。」最興奮莫過於宣布《下》奪得「最佳劇集」，他說：「終於明白大家演員點解會攬埋一齊，即刻回想起拍劇時候嘅所有快樂事，嗰種嘅激動再配合內心嘅澎湃，係要攬嘅。」

除了《下流上車族》攞獎，關曜儁同期訓班的周嘉洛與吳偉豪亦分別贏得「最受歡迎電視男角色」與「飛躍進步男藝員」獎項也令他開心到爆，他亦期待新一年遇到更加多不同挑戰的角色，希望能為28期藝員訓練班爭光。