余思霆冬日「賣大包」　風騷晒33C好身材

前華姐冠軍余思霆自回復單身之後，佢就成日晒出其33C驕人上圍，睇到網友噴晒鼻血，估唔到依家冬天佢都依然「賣大包」，繼續以黑色比堅尼上陣，晒出一輯索爆辣照同大家講早晨。

見佢谷盡事業線，仲去到室內游泳池玩，身旁仲多咗個神秘半裸男子，二人一個跪地下、一個坐喺度嘟嘴，成個構圖都令人好有「畫面」，原來今次佢晒出嘅只係廣告花絮相，一身打扮都係配合拍攝，大家唔使諗太多。東網聯絡上余思霆，對於今次拍攝廣告感到開心，她表示：「我當年就喺呢度選華姐，今次佢哋請我返嚟好開心，佢哋好似睇住我大咁，所以我好似返咗娘家咁。」