曾比特自豪中過$20六合彩　胡美貽專登剷青拍新劇

歌手曾比特、胡美貽為無綫J2節目《鋪鋪Poker》錄影，自稱錄影時玩poker一直輸的他被問到新年會否開局發新年財時，他表示都會和家人、朋友打麻雀，問他有否橫財命，他笑言：「我都中過$20六合彩算唔算？（會否鬆章畀家人？）我本身個人都好鬆 。」問他有否試過感情被騙，他笑言：「我唔厄人，亦唔會俾人厄我，呢啲講雙方默契，不過我好容易被感動，尤其係親情！」問他拍過多少次拖，他指10隻手指數得晒，說到都不少時，他即謂：「有時都要報大數嘅。」

而胡美貽上年專登剷青開拍無綫PTU題材劇集，但由於原本女主角唐詩詠已離巢，劇集又延期開拍，她都頭髮已長了不少。問她知否劇集何時正式開拍，她說：「希望4月啦！我都有問過，唔會換走我嘅!」劇中有不少動作的，他表示一直有鍛煉體能，跟透露二月會跟洪永城報亞馬遜拍攝旅遊特輯，笑言到時會變身女泰山或羅拉，大騷肌肉。」