主動對鏡頭嗌除褲　余思霆當眾換泳衣勁香艷

擁33C嘅前華姐冠軍余思霆，佢向來夠晒出位吸睛，尤其佢次次喺社交網派軍糧，睇到網友眼花繚亂，睇親都心急加速！有網友就歸納佢去年嘅出位Post，包括佢曾經以黑色比堅尼瞓喺波波池玩嘅索相，又童真又誘人。另外，佢拍攝旅遊Channel片時，本身已經着晒泳衣配短褲嘅佢，對住鏡頭問：「你係咪想我除褲呀？」隨即就除低條褲仔，真係睇到個個尖叫。

不過最勁都係佢即席示範「戶外換衣服」技能，見佢喺人來人往嘅景點上，僅披住長外套同背對鏡頭，加上同行女友人企身旁，余思霆就開始換泳衣，一轉眼就見佢手執一條白色泳褲遞出嚟，攝影師仲質疑係咪真係白色，就連佢個女友人都笑指條泳褲確係幾污糟。轉個頭余思霆仲將三點式top交出，場面香艷，最後余思霆就換上一件頭泳衣，泳衣上又印有「miss your touch」字句，唔怪得網友都話流晒鼻血。