麥子樂演社工穿梭大街小巷尋人　分享「無家者球員」經歷

由麥子樂、張國強、周祉君、吳保錡、胡子彤參演的微電影《足動生命》日前於Viutv首播，電影以真人真事改編，透過足球去分享幾位「無家者球員」的經歷。

麥子樂飾演社工，他直言事前做足功課，而且體會特別深，他表示︰「我個角色係以吳衞東先生作為藍本，臨開拍有跟佢去工作，佢係一個非常好嘅人，落心落力去幫一班唔同背景嘅無家者，係好有意義。」不少人都覺得他與吳衞東相似，加上今次的微電影造型亦似到十足，對此麥子樂表示︰「係好事，起碼令到觀眾投入咗先，同埋始終要飾演佢，所以事前都落咗好多功夫。」

提到今次拍攝的內容，麥子樂透露將會帶一班沒有自信的無家者去踢足球比賽，除有球場練波的戲分外，身為「社工」的他又要穿梭大街小巷「尋人」，其中提到於球場「監督」球隊的戲份，由於拍攝當日曾下大雨，眾演員均是「濕身」上陣，他表示︰「當日由兩點拍到現在凌晏12點，主要拍攝踢足球同埋操練嘅戲份，加上落雨比較辛苦，不過呢場戲加埋落雨好夾，咁大雨仲練波，突出微電影到永不放棄嘅主題。」