甄子丹新片最緊要贏口碑　感激台前幕後博命撐

「宇宙最強」甄子丹今晚（16日）出席主演賀歲片《天龍八部之喬峰傳》慈善首映，場面相當熱鬧。剛完成新加坡及馬來西亞宣傳之旅返港的他風塵僕僕，但現場所見精神飽滿，且表示因疫情關係，已有3年未試過在會展舉行首映禮，開關市面重見熱鬧，覺得終走出陰霾，感覺開心。

談到再與新加坡和馬來西亞粉絲近距離接觸，他透露反應很是震撼：「感覺好似電影市場冇受疫情及經濟影響，數百人逼爆商場，粉絲仲叫我拍多啲戲。（係咪開續集？）未知，不過續集心目中已有故事。（對今次票房有信心？）票房好當然會開心，不過人總有高高低低，盡量做好有口碑先，只要有熱情及努力，出嚟嘅嘢唔會差得去邊，多謝台前幕後今次演員博晒命咁撐我。」

另外，太太汪詩詩特意前來捧場。當談到新片，她滔滔不絕：「我喺外國大，對古裝戲唔熟悉，但呢套係我最鍾意嘅電影，覺得精彩到好似《復仇者聯盟》咁，要不停追住睇！」子丹聞言即開冧爆：「佢睇完《葉問》都只係話ok，佢咁講真係勝過晒一切喇。」