班頓費沙奪獎與他相擁爆喊　關繼威親解二人的關係

美國男星班頓費沙（Brendan Fraser）日前憑新作《鯨》（THE WHALE）勇奪《第28屆Critics’Choice頒獎禮》（CCA）影帝寶座，他獲獎時即激動爆喊與妻子擁抱完之後第一時間走去隔離枱的華裔男星關繼威擁抱，場面令人感動！好多網民都留言討論究竟2人有甚麼關係。原來他們識於微時未紅前曾在一部喜劇《再生怪傑》（Encino Man）中合作過！

頒獎禮完畢後，關繼威在訪問中透露2人已沒有見面差不多32年，他說：「實在好好可以再見佢。我好鍾意《鯨》中嘅，佢嘅演出好震撼！」他亦爆班頓於CCA與他擁抱時所說的一句話：「當時佢同我講『佢仍在』。我永遠都唔會忘記呢句說話，其實佢都講得好啱。而我自己亦唔能夠相信自己仍然企喺度。自《再生怪傑》之後，我嘅事業經歷好多，猶如坐過山車一樣！」