趙麗穎唐嫣爭做新年女郎　「純純兔」楊洋意外跑出

今日（22日）係大年初一，多位藝人已經一早就同大家拜年，最快捷嘅方法就係喺社交網晒靚靚寫真與眾同樂，仲可以畀大家有視覺享受。當中內地「千億點擊女王」趙麗穎就第一時間Post新年寫真，見佢同兔仔公仔合照，一身露肩紅裙有睇頭，俏皮可愛又喜慶。至於另一女神唐嫣亦晒出溫婉大氣嘅靚相，見佢以紅黑開叉長裙示人，手執紅扇別有韻味，加上佢露出燦爛笑容氣質出眾，同樣迷人。

最令人估唔到嘅係內地男神楊洋，佢都有兔年寫真送畀大家，不過佢就以白西裝手拿氣球現身，過年氣氛唔算太濃，不過就喺一片紅海之中成為清泉，由佢本人變身「純純兔」融化一眾網友。