蔣家旻自嘲歌藝不精想賺錢學唱歌　江嘉敏達成心願首拍古裝劇

藝人江嘉敏（Kaman)與蔣家旻（Angel）今日現身無綫賀年節目，Kaman今年有賀歲劇播出，她表示：「好開心，第一次同家燕姐（薛家燕）合作。不過拍得好辛苦，因為我哋係古裝劇，喺酷熱天氣警告下拍攝，我哋台前幕後都中暑，我係第一個瞓低咗，五體投地咁。」她指今次是她首次拍古裝劇，可謂還了入行以來的心願：「不過我再貪心啲，呢套劇係輕喜劇，我想像中嘅古裝劇係好飄逸咁揮劍，希望有機會拍這類古裝。」至於Angel自言來年繼續發錢寒：「我希望自己財源滾滾來，之前我畫畫都畫咗錢嘅標誌。因為近年搵真銀嘅工作係少咗，依家市道開始復甦，我想賺多啲，利是自然會加碼派。（你攞咗女配獎，會唔會加價？）我好抵用，唔會點加價，多啲來密啲手，我一啲都唔貴。新年願望係搵多啲錢，拍多啲劇，角色愈來愈重。」她笑言搵真銀工作要識唱歌，但自嘲歌藝不精，故希望努力賺錢學唱歌。