楊明Sharp醒孖女友開年　笑番晒一洗頹氣

藝人楊明於2020年8月在半山馬己仙峽道發生交通意外，被控「不小心駕駛」等罪名，早前上訴失敗即時入獄，並已於1月7日出獄，今日（22日）大年初一，楊明就去到女友莊思明家中拜年，莊思明於社交網大晒合照，見佢與莊鍶敏、莊思華3姊妹聚首一堂，齊齊食開年飯，菜式相當豐富，其中楊明着上粉紅色衫，同莊思明嘅桃紅色衫襯到絕，以情侶裝上陣盡情放閃。見楊明非常醒神，而且重拾笑容，一洗倦容，相信已走出陰霾。