王浩信返港團年唔蒲頭　陳自瑤繼續「單拖」示人

藝人陳自瑤（Yoyo）早前罕談老公王浩信，大爆對方已返港一家團聚過新年，日前Yoyo於社交網分享食團年飯，兼收睇其主演劇集《有種好男人》大結局，相中見餐桌上有一大盤盆菜，材料包括鮑魚、雞、帶子、蠔鼓等非常豐盛，而且擺好5人座位嘅餐具，但就唔見已返港嘅王浩信入鏡，Yoyo繼續「單拖」示人，似乎有所避忌，刻意唔同框。而今日（22日）大年初一佢亦有發文賀年，但照樣只甫獨照，不過勝在露膊大玩輕性感，一支公都咁有睇頭。