00後第一人︱易烊千璽威盡賺夠150億票房

內地影星易烊千璽去年成為首位內地個人票房破百億嘅00後演員，叫座力驚人嘅佢雖然早前曾被負面新聞影響，消失一排，不過今個新年佢聯同沈騰、張譯及雷佳音等主演、張藝謀導演嘅賀歲片《滿江紅》，今日初二好日（23日）累計票房已達5.84億人民幣（下同，約6.74 億港幣），助力易烊千璽主演票房破150億（約173億港幣），成中國首個00後150億影人，真係初二一大喜訊，睇嚟對於佢第三度打入《福布斯中國名人榜》首位都唔成問題。