黎諾懿兔年宜有新挑戰　崔建邦被批賭仔命

由謝雪心、蔡國威、梁凱晴、阮嘉敏擔任主持的賀年節目《新春開運王》，每集會邀請不同藝人擔任嘉賓外，還有玄學家為大家指點迷津，各師傅將帶大家遊走香港各個風水寶地行大運、食勻開運菜及分享兔年十二生肖運程。

今日（23日）晚大年初二，陳定幫師傅帶大家到大埔白石角行大運，更會在節目中解構白石角風水特別好的原因。之後幫再帶大家到文武廟，原來拜文昌不單止可祈求學業運，文昌星亦代表着名譽和競爭，同行的郭柏妍、徐文浩、陳懿德即乘機各自許下兔年願望。

至於明（24日）晚年初三，麥玲玲師傅將去到中環山頂吸收天地靈氣，還會分析山頂、中半山和山腳的風水優劣之處。另外，崔建邦（Amigo）和黎諾懿則獲邀食「新春開運菜」，命格屬木的Amigo被玲玲師傅批大起大落似賭仔命，Amigo更借機向玲玲師傅道謝：「以前遇過一次重大挫折，嗰時搬到好遠，玲玲師傅都專登過嚟安慰我、幫我睇（運勢），呢件事擺咗喺心好多年，終於可以喺鏡頭前多謝你。」至於諾懿則被指兔年宜挑戰冷門事物及往東邊發展。