Gin Lee爆馬來西亞新年氣氛極濃　屋企玩舞獅舞龍

來自馬來西亞的「英皇唱將」Gin Lee（李幸倪）今年終可和家人在港圑聚過農曆年，但她亦懷念馬國的過年習俗，指故鄉的新年氣氛比香港更濃厚，她說：「成街都會掛晒燈籠，尤其華人屋企都有好多賀年裝飾，會掛紅布喺大門度，年三十踏入大年初一時，就聽到炮仗聲，因為嗰邊啲屋大啲，好多人都會請舞獅舞龍返屋企，仲有福建人一個好重要年初十五，會多一輪好熱鬧嘅拜年儀式等慶祝活動。」

Gin Lee又指農曆年是她兒時最期待的日子，除學校放假外，還可以到親戚家發新年財兼狂食：「會分別返爸爸、媽媽嘅屋企，見到好多親戚朋友，𢭃到好多利是，食好多好多賀年食品。」亦習慣組圑到同學馬拉松式拜年，可品嘗各具特色的美式，她又謂：「嗰邊賀年食品都好傳統，譬如喺屋企自己整蝦餅、杏仁餅，花生餅，菠蘿酥，朋友、親戚會視乎個人屋企嘅Style整唔同嘅零食，試過喺同學屋企打邊爐，有啲就煎年糕，或煲飯煮餸畀你食，我記得通常一早出發去，一日同20個家庭拜年。」