孝順仔請全家歐遊　Edan低調返港狂揮手

當紅男團MIRROR成員Edan上周請全家飛巴黎，難得慶祝生日兼歐遊，佢都時不時Update社交網畀大家睇吓做咗啲乜，估唔到Edan出發未夠一周就要返港，今早（24日）就已經低調抵達香港，但仍有約有50名爵屎（Edan粉絲暱稱）收到風去機場等候男神。約8時許，身穿休閒打扮、戴漁夫帽及太陽眼鏡嘅Edan，就同拎住行李嘅助手由機場秘道步出，同樣未見其家人同行，似乎同出發當日一樣分同行。一眾粉絲見到偶像即起哄，狂叫Edan個名，Edan亦頻頻向眾人揮手，又表示此行玩得開心。