槍擊案身處美國　崔碧珈冇諗搵男友保安全

藝人崔碧珈今日（24日）到深水埗出席新春活動，着住兔仔毛衣十分應節。她透露剛凌晨落機，從美國返港，此行為出席美國一個亞裔電視台開幕，擔任跨年唱歌表演嘉賓。談到美國接二連三發生槍擊案，崔碧珈稱當日正身在美國，案發地點並非同區，她說：「都唔太擔心，因為我除咗做嘢外，都唔會外出，又唔蒲吧，晚飯都會坐朋友車。」記者建議她找個男友最安全，她稱沒有刻意去想，覺得桃花需要，希望在工作上。她透露現正創作新歌，包辦曲詞，她說：「依家唔諗拍拖，仲年輕，希望將精力放事業上，（冇人追？）唔覺，因為我公司女性同事多，我都叫公司請多啲男同事，而要陰陽協調。」

而在美國的活動中，身穿超低胸紅色晚裝的她，以36G逼爆上圍向現場觀眾拜年，在台上獻唱新歌《小丑與皇后》，更觀眾倒數迎接大年初一。活動完結後，隨即趕去機場回港。