連詩雅師妹拒炫富 黃祖貽否認賺錢買花戴

2023年01月25日 04:01
東網電視
更多新聞短片
連詩雅模特兒師妹黃祖貽 (Ingrid)被傳去年以2億買下半山波老道21號豪宅,日前她接受訪問時默認「升呢」做業主,但婉拒透露詳情:「層樓無論係自住定投資都係開心事。」而她要堅持低調處理,全因要顧及家人:「屋企人係圈外人比較低調,都想保護佢哋,所以唔想講太多屋企事。」
對於被指是千金小姐,可擔心入行後會被指「賺錢買花戴?」她則說家庭背景沒影響其價值觀,對身邊藝人或圈外朋友都以真誠對待,自問在模特兒界只是新丁一名,亦望從工作中獲學習機會:「想繼續拍多啲廣告,等多啲人認識自己,亦都想試吓拍劇、拍電影,攞多啲拍攝經驗豐富自己,自己有多啲作品,觀眾就睇到我有付出過努力。」含住金鎖匙出生的她,其過年習俗跟打工仔無異,在新年時愛行大運,年三十晚及大年初一會陪家人食飯:「初一仲要食埋年糕粥當早餐先開始拜年,我屋企人都幾傳統。」
至於同公司的藝人鍾浠文 (Zelia)在農曆新年最愛食丸子:「我屋企新年習慣就係食用肉做嘅炸丸子,寓意圑圓嘅意思,會用蔬菜去滾湯或蒸,類似獅子頭嘅菜色。」而最開心是媽咪今年來港陪她過年,作為孝順女的她就專程帶媽咪試食盆菜:「因為媽咪未食過食,畀佢體驗吓香港嘅地道美食及新年氣氛。」
工作方面,Zelia去年首轉戰當演員,連拍兩齣劇集,她謙說:「其實我係半途出家,但試過後就好有興趣,希望新一年有機會更多演戲嘅機會,去年本來要返內地拍電影,可惜因疫情而延期,所以望盡快接到通告再開工,亦想演貼地嘅小人物角色。」另外,多才多藝的她還會繼續自己鍾意的模特兒、攝影、寫作工作。
場地提供:銅鑼灣富豪酒店