謝霆鋒雪地野餐 被滑雪鏡出賣王菲疑同行

2023年01月25日 15:01
東網電視
更多新聞短片
「滑雪狂迷」謝霆鋒日前趁新年假期去滑雪,更拍片大晒高超滑雪技術,相當有型。昨日(24日)大年初三「赤口」,霆鋒又再次上載近照,不過佢今次佢就唔係滑雪,而係除低護目鏡,坐喺雪地上野餐。見霆鋒準備咗份巨型三文治同薯條,大啖大啖咁食,睇見都覺得Yummy!佢仲喺貼文寫到:「赤口我吃東西好了!」
而網民見相後都話佢食嘢個樣成個細路仔咁,留言話:「好可愛」、「霆鋒是否滑到太肚餓」、「雪地野餐太有型」、「想吃霆鋒整的三文治」。另有眼利網友,從霆鋒頭上護目鏡的反光倒映發現,他與同行4位友人結伴滑雪,當中更有疑似王菲身影出現,坐在雪地落力為霆鋒揸機拍照,做廿四孝女友!